Geguritan Jawa Tambane Susahe Awak

Geguritan Seni & Budaya Teks

Tambane Susahe Awak

Tambanon siro iku
Ing susahe awak iro
Tambane susah iku
Angelingi bungah iro

Nambanono siro iku
Ing dosane awak iro
Tambane dosa iku
Kudu nyuwun pangapura

Mula siro nenuwuna
Maring dzat Kang Maha Mulya
Aja pisan nggonmu nyuwun
Liyane telung perkoro

Anuwuna kang sepisan
Mugi-mugi diaku kawulo
Kaping pindo mugi-mugi
Dingapuro nggone dosa

Kaping telu mugi-mugi
Gusti Allah ngasihano
Lamun hasil telung perkoro
Urip mati biso mulyo

Baca Juga  Makna Petuah Jawa Sunan Kalijaga "Suro Diro Joyo Jayaningrat, Lebur Dening Pangastuti"