Geguritan
-
Geguritan Bab Kewan Krungu Sambat
Kewan Krungu Sambat Kabeh kewan pada ngrungu Sambate wong ana krendo Kewan-kewan pada cirek Sak liyane jin manungsa Sambate mbok iya-ha Siro eling maring kita Kaya ngene pungkasane Wong kang urip ana ndonya Ora ana sing dak gawa Sak liyane ules mami Kabeh banda sun dak tinggal Gawe royal waris mami
-
Geguritan Bab Golek Banda Gentayangan
Golek Banda Gentayangan Nggonku golek banda iku Nganti lungo gentayangan Badan payah pikir susah Ati tentrem dadi goyang Sak wuse aku manggon Ana ngalam kelanggengan Aja pisan siro iku Nggone ngirim obat iman Aja pisan nggonku tinggal Kanggo gawe rerebutan Salah sijio anerimo Ngasi podo kekelahan Ing saiki aku iki Kajat banget ing kiriman Nggonmu kirim aja lali Wayah bengi wayah awan Aku iki kirimana Wacan dzikir wacan Qur’an Lan suwuna pangapura Luputku ing Pangeran
-
Geguritan Jawa Pitutur Dateng Sederek
Pitutur Dateng Sederek Dherek jaler, dherek isteri Sampun ngantos sami mungkur Dateng napa wontenipun Ingkang sampun kula matur Wonteniun anggen kulo Angaturi ing pitutur Wonten Qur’an wonten Hadist Wonten kitab kang misuwur Kulo matur sewu nuwun Dateng para derek kulo Ingkang sami merlehaken Mirengaken atur kula Hai para derek kula Mugi-mugi hanampiyo Atur kula kanti seneng Sampun ngantos paring duka
-
Geguritan Bab Kineban Lawang Tobat
Kineban Lawang Tobat Ing saiki aku iki Wis kineban lawang tobat Mulane ing saiki Aku kari sambat-sambat Anakku lan putuku Aja lali karo aku Nggone paa nyuwunku Pangapura ing Gustiku Lamun kowe ora pada Angelingi maring aku Njur kepriye nggonmu males Kabungahan marang aku Ora ana sing tak arep Sak liyane panyuwunmu Saben dini saben bengi Sing tak arep panyuwunmu Jurungo siro iku Wayah awan wayah bengi Penjurungi nyuwunaken Pangapuro maring Gusti
-
Geguritan Jawa Tambane Lara Niro
Tambane Lara Niro Pada siro nambanono Ing larane at niro Larane ati aku Sebab nggone demen donya Lamun ora ditambani Lawas-lawas dadi mati Nek wis mati ora gelem Jak ngibadah maring Gusti Tambane ati lara Iku lima perkarane Ingkang dihin saka limo Maca Qur’an karo diroso Kaping pindo kudu melek Dzikir wengi ingkang suwe Kaping telu kudu sholat Tahajud ingkang suwe Kaping pat saka lima Angothongi weteng iro Kaping limo kudu siro Angumpuli para ulama Lamun siro wis nglakoni Perkoro ingkang lelima Gusti Allah paring waras Ing larane ati niro Mesti siro anglakoni Salah sij saka limo Mbok menawa Gusti Allah Paring sudho lara niro
-
Geguritan Jawa Tambane Lara Awak
Tambane Lara Awak Nambanono siro ku Ing larane awak iro Tambanono awak iro Nganggo tamba sabar nerimo Lamun siro ora sabar Arikala lara niro Sisa uga lara niro Anuwuhi dosa niro Ngelingana siro iku Ing akehe waras iro Kok geneyo siro iku Ora ngrasa waras iro Bareng siro diparingi Ing larane awak iro Banjur siro enggal sambat Rino wengi ngaru-ara Apa siro ora isin Maring Kang Maha Mulyo Nggonmu bola-bali sambat Maring sakpada-pada Balik siro anuwuna Sak jerone lara niro Anyuwuna pangapura Ing se-akehe dosa niro
-
Geguritan Jawa Tambane Susahe Awak
Tambane Susahe Awak Tambanon siro iku Ing susahe awak iro Tambane susah iku Angelingi bungah iro Nambanono siro iku Ing dosane awak iro Tambane dosa iku Kudu nyuwun pangapura Mula siro nenuwuna Maring dzat Kang Maha Mulya Aja pisan nggonmu nyuwun Liyane telung perkoro Anuwuna kang sepisan Mugi-mugi diaku kawulo Kaping pindo mugi-mugi Dingapuro nggone dosa Kaping telu mugi-mugi Gusti Allah ngasihano Lamun hasil telung perkoro Urip mati biso mulyo
-
Geguritan Jawa Ngelingi Awak
Ngelingi Awak Ngelingana siro iku Ing enome awak iro Nek wis lunga enom iku Banjur teko tuwa iro Ngelingana siro iku Ing kuwate awak iro Nek wis lunga kuwat iro Banjur teka apes iro Ngelingana siro iku Ing waras awak a iro Nek ws lunga waras iku Banjur teko lara iro Ngelingana siro iku Ing sugihe awak iro Nek wis sugih awak iro Banjr teko mlarat iro Ngelingana siro iku Arikaa urip iro Nek wis lunga urip iro Banjur teka mati iro