-
Geguritan Bab Bekti Kang Maha Suci
Bekti Kang Maha Suci Bektinoso siro iku Maring kang Maha Suci Mbok menawa Gusti Allah Paring bungah bakda mati Nemenana nggonmu golek Kanggo sangu awak iro Ora ana sesangune Sakliyane amal iro Aja pisan siro sangu Mati nggawa amal ala Balk siro sesanguha Amal becik kang sak nyata Rupane amal becik Nggonmu pada gelem taat Rupane amal ala Nggonmu padha laku maksiat
-
Geguritan Bab Bejo Ciloko Kubur
Bejo Ciloko Kubur Nggonmu mati lamun bejo Ana kubur luwih mulyo Katimbang urip iro Arikolo ana donya Kubur iku lamun bejo Dadi taman ing suwargo Kubur iro lamun ciloko Dadi taman saka neraka Lamun bejo siro iku Tangi soko kubur iro Banjur nunggang ing tunggangan Hinggo mlebu ing suwargo Nek ciloko siro iku Tangi seko kubur iro Gelandang siro ing neroko Aja siro ngarep-arep Ing mulyane awak iro Lamun ora gelem taat Urip iro ana donya Lamun siro ana donya Ora tobat soko maksiat Malaikat banjur nggodo Balung iro nganti mlesat Nenuwuna siro iku Wayah awan wayah bengi Mugi-mugi Gusti Allah Maring welas maring mami
Anda Mungkin Suka Juga
Geguritan Bab Bungah Ana Donya
Geguritan Jawa Apike Titah Lan Alane
Geguritan Bab Ngaso Donya
-
Geguritan Jawa Tambane Lara Niro
Tambane Lara Niro Pada siro nambanono Ing larane at niro Larane ati aku Sebab nggone demen donya Lamun ora ditambani Lawas-lawas dadi mati Nek wis mati ora gelem Jak ngibadah maring Gusti Tambane ati lara Iku lima perkarane Ingkang dihin saka limo Maca Qur’an karo diroso Kaping pindo kudu melek Dzikir wengi ingkang suwe Kaping telu kudu sholat Tahajud ingkang suwe Kaping pat saka lima Angothongi weteng iro Kaping limo kudu siro Angumpuli para ulama Lamun siro wis nglakoni Perkoro ingkang lelima Gusti Allah paring waras Ing larane ati niro Mesti siro anglakoni Salah sij saka limo Mbok menawa Gusti Allah Paring sudho lara niro
Anda Mungkin Suka Juga
Geguritan Jawa Dawuhe Kanjeng Nabi
Geguritan Bab Kewan Krungu Sambat
Geguritan Bab Golek Pangan
-
Geguritan Jawa Tambane Susahe Awak
Tambane Susahe Awak Tambanon siro iku Ing susahe awak iro Tambane susah iku Angelingi bungah iro Nambanono siro iku Ing dosane awak iro Tambane dosa iku Kudu nyuwun pangapura Mula siro nenuwuna Maring dzat Kang Maha Mulya Aja pisan nggonmu nyuwun Liyane telung perkoro Anuwuna kang sepisan Mugi-mugi diaku kawulo Kaping pindo mugi-mugi Dingapuro nggone dosa Kaping telu mugi-mugi Gusti Allah ngasihano Lamun hasil telung perkoro Urip mati biso mulyo
-
Geguritan Jawa Apike Titah Lan Alane
Apike Titah Lan Alane Apike para titah Wog kang duwe laku ngalah Sarto gelem mikir-mikir Saben dino nggone salah Sakwise ngrasa salah Mangka nuli enggal tobat Supayane Gusti Allah Enggal nrimo nggone tobat Sakwuse rampung tobat Mangka nuli eling pati Banjur golek sesangune Sangu kanggo gawe mati Ala-ne titah iku Wong kang manut marang hawa Saben dino ngarep-arep Ing olehe pangapura Siro kena ngarep-arep Ing anane pangapura Lamun siro wus temenan Ngibadahe awak iro Kulo matur estu-estu Dateng para derek kula Mugi-mugi dipun galih Wontenipun atur kula
Anda Mungkin Suka Juga
Geguritan Jawa Pitutur Dateng Sederek
Geguritan Bab Neraka Suwarga Sepisan
Geguritan Bab Eling Pati
-
Geguritan Jawa Pangan Kanggo Ibadah
Pangan Kanggo Ibadah Lamun siro golek pangan Kanggo sangu ing ibadah Besuk tangi saka kubur Rai padang ing lorah-lorah Padange rai iro Kaya tanggal ing pat-belas Sebabe Gusti Allah Maring siro paring welas Mula siro golek pangan Iku kudu ngati-ati Supayane Gusti Allah Paring welas kang sayekti Sampun rampung anggen kula Asung engat ing sampeyan Mugi dipun galih Supados-a waget dangan
Anda Mungkin Suka Juga
Geguritan Jawa Tambane Susahe Awak
Geguritan Bab Pecat Nyowo
Geguritan Jawa Pitutur Dateng Sederek
