-
Geguritan Bab Bejo Ciloko Kubur
Bejo Ciloko Kubur Nggonmu mati lamun bejo Ana kubur luwih mulyo Katimbang urip iro Arikolo ana donya Kubur iku lamun bejo Dadi taman ing suwargo Kubur iro lamun ciloko Dadi taman saka neraka Lamun bejo siro iku Tangi soko kubur iro Banjur nunggang ing tunggangan Hinggo mlebu ing suwargo Nek ciloko siro iku Tangi seko kubur iro Gelandang siro ing neroko Aja siro ngarep-arep Ing mulyane awak iro Lamun ora gelem taat Urip iro ana donya Lamun siro ana donya Ora tobat soko maksiat Malaikat banjur nggodo Balung iro nganti mlesat Nenuwuna siro iku Wayah awan wayah bengi Mugi-mugi Gusti Allah Maring welas maring mami
-
Geguritan Bab Pitakonan Kubur
Pitakonan Kubur Ayo-ayo dho elinga Pitakone kubur iro Anane pitakonan Kabeh iku patang perkoro Ingkang dihing pitakone Sopo to Pangeran iro Kaping pindo pitakone Sopo to Nabi iro Kaping telu pitakone Opo agama iro Kaping pate pitakone Sopo to dulur iro Lamun takon malaikat Sopo to Pangeran iro Mangka enggal siro jawab Allah Ta’ala Pangeran kulo Lamun takon malaikat Sopo to Nabi iro Mangka enggal siro jawab Nabi Muhammad nabi kulo Lamun takon malaikat Opo agama iro Mangka engga siro jawab Agama Islam agama kulo Lamun takon malaikat Sopo to dulur iro Mangka enggal siro jawab Tiyang Islam sederek kulo Lamun siro bisa jawab Pitakon patang perkoro Mangka nuli malaikat…
Anda Mungkin Suka Juga
Geguritan Bab Neraka Suwarga Sepisan
Geguritan Bab Susahe Wong Kubur
Geguritan Bab Nyusahi Landerat
-
Geguritan Bab Susahe Wong Kubur
Susahe Wong Kubur Susahe wong ana kubur Kaya wong kang kejegur Lamun ora oleh pitulung Saking dzat Kang Maha Agung Ora wurung aku iki Sido kepahung-pahung Aja siro dha semaya Nggone eling marang aku Semayaku nggonku eling Nek wis cukup bebutuhku Lumrahe para manungsa Ora gelem ngrasa cukup Lamun durung siro iku Omah ana ing cungkup Aduh Gusti kula sanget Nyuwunipun pangapunten Bok menawi aboten paring Kulo nyuwun dateng sinten Saha malih kula nyuwun Ing Agunge Pengasihan Supadosa manah kula Weget bingah kanti ringan Hai para sederek kula Mugi-mugi hanampiya Punapa atur kula Sampun ngantos paring duka
-
Geguritan Jawa Olone Numpuk Ndonya
Olone Numpuk Ndonya Lamun siro numpuk ndonya Niyat kanggo numpuk-numpuk Besuk tangi saka kubur Duwe rai kaya kuwuk Aja pisan nggonmu mangan Kanggo nerjang ing larangan Nek mengkono urip iro Duwe laku kaya kewan
Anda Mungkin Suka Juga
Geguritan Jawa Apike Titah Lan Alane
Geguritan Bab Golek Pangan
Geguritan Jawa Pangan Kanggo Ibadah
-
Geguritan Bab Jongko Donya
Jongko Donya Aja pisan nggonmu urip Kanggo njongko bab-e donya Pirang-pirang sing dijongko Arang-arang sing tumonjo Balik sira dha narimaha Taninge Kang Maha Mulya Supayane urip sira Ana donya bisa mulya Ngelingana sira iku Ora suwe ana donya Balik mesti sira iku Tembe mburi mancal donya Nek wis sira tinggal donya Terus manggon giriloyo Ora ana sing melasi Liyane Kang Maha Mulya Mula sira ngelingana Pumpung isih urip sira Perkarane ibadahmu Rino wengi aja leno Wondene anak bojo Para dulur ninggal mungkur Arikolo sira iku Uwis manggon ana kubur
-
Geguritan Bab Eling Pati
Eling Pati Eling-eling sira manungsa Kabeh iku bakal mati Pumpung durung sira iku Katekanan maring pati Rasane pecat nyawa Luwih banget lara niro Katimbang kabeseti Sakabehe kulit iro Ora no penawar Sakliyane taat iro Aja pisan siro lali Maring shalat fardhu iro Rasane wong ana kubur Luwih lara luwih susah Nek wis tangi panelangsane Luwih banget karo nggresah Ngadeg iro ana kubur Ana patang puluh warsi Tanpa mangan tanpa ngombe Ora ono kang melasi
Anda Mungkin Suka Juga
Geguritan Jawa Ngelingi Awak
Geguritan Bab Nyusahi Landerat
Geguritan Bab Sambate Wong Ana Krendo
-
Geguritan Jawa Pangan Kanggo Ibadah
Pangan Kanggo Ibadah Lamun siro golek pangan Kanggo sangu ing ibadah Besuk tangi saka kubur Rai padang ing lorah-lorah Padange rai iro Kaya tanggal ing pat-belas Sebabe Gusti Allah Maring siro paring welas Mula siro golek pangan Iku kudu ngati-ati Supayane Gusti Allah Paring welas kang sayekti Sampun rampung anggen kula Asung engat ing sampeyan Mugi dipun galih Supados-a waget dangan
Anda Mungkin Suka Juga
Geguritan Jawa Olone Numpuk Ndonya
Geguritan Bab Ngaso Donya
Geguritan Jawa Uwot
-
Geguritan Bab Amal Olo Becik Ana Kubur
Amal Olo Becik Ana Kubur Wondene amal olo Ana kubur dadi kanca Rupa asu rupa celeng Rupa ketek kalabang ulo Banjur ngerah ngerangsang Tanp leren saben dino Nek elikake banjur mun Aku iki amalmu olo Wondene amal bagus Ana kubur dadi kanca Rupa wong ingkang bagus Ingkang ayu kang sampurno Wong kang mati banur nuli Enggal takon sinten sampeyan Nuli jawab kula nik Amal sahid badan sampeyan Anggen kula wonten ngriki Perlu njagi ing sampeyan Sampeyan wonten ngriki Sampun ngantod kesangsaran Kula matur ing sampeyan Sugeng sare kang sakeca Wonten kubur kula tanggel Boten wonten anapa-napa Kawula sampun cekap Ngengetaken para panduka Boten namng kula aturi Ngenget-enget kang sak nyata
Anda Mungkin Suka Juga
Geguritan Jawa Tambane Lara Awak
Geguritan Bab Neraka Suwarga Sepisan
Geguritan Jawa Bekti Bapa Biyung
