Geguritan
-
Geguritan Bab Wekase Wong Ana Krendo
Wekase Wong Ana Krendo Wekase wong ana krendo Karo nangis ngaru-ara Ngelingana siro iku Calon dadi kaya kita Mbok merlokna siro iku Nggonmu eling maring pati Supayano siro iku Biso nemen nggonmu bekti Ing saiki aku iki Arep lunga ora bali Sak lawase nggonku bali Nganti kowe padha lali Aku wekas sanak-sanak Aja kowe padha lana Perkara ibadahmu Saben bengi saben dino
Anda Mungkin Suka Juga
Geguritan Bab Amal Olo Becik Ana Kubur
Geguritan Bab Jongko Donya
Geguritan Bab Bekti Kang Maha Suci
-
Geguritan Bab Jongko Donya
Jongko Donya Aja pisan nggonmu urip Kanggo njongko bab-e donya Pirang-pirang sing dijongko Arang-arang sing tumonjo Balik sira dha narimaha Taninge Kang Maha Mulya Supayane urip sira Ana donya bisa mulya Ngelingana sira iku Ora suwe ana donya Balik mesti sira iku Tembe mburi mancal donya Nek wis sira tinggal donya Terus manggon giriloyo Ora ana sing melasi Liyane Kang Maha Mulya Mula sira ngelingana Pumpung isih urip sira Perkarane ibadahmu Rino wengi aja leno Wondene anak bojo Para dulur ninggal mungkur Arikolo sira iku Uwis manggon ana kubur
Anda Mungkin Suka Juga
Geguritan Bab Golek Pangan
Geguritan Bab Nyusahi Landerat
Geguritan Bab Golek Slamet
-
Geguritan Bab Susahe Wong Kubur
Susahe Wong Kubur Susahe wong ana kubur Kaya wong kang kejegur Lamun ora oleh pitulung Saking dzat Kang Maha Agung Ora wurung aku iki Sido kepahung-pahung Aja siro dha semaya Nggone eling marang aku Semayaku nggonku eling Nek wis cukup bebutuhku Lumrahe para manungsa Ora gelem ngrasa cukup Lamun durung siro iku Omah ana ing cungkup Aduh Gusti kula sanget Nyuwunipun pangapunten Bok menawi aboten paring Kulo nyuwun dateng sinten Saha malih kula nyuwun Ing Agunge Pengasihan Supadosa manah kula Weget bingah kanti ringan Hai para sederek kula Mugi-mugi hanampiya Punapa atur kula Sampun ngantos paring duka
-
Geguritan Bab Bekti Kang Maha Suci
Bekti Kang Maha Suci Bektinoso siro iku Maring kang Maha Suci Mbok menawa Gusti Allah Paring bungah bakda mati Nemenana nggonmu golek Kanggo sangu awak iro Ora ana sesangune Sakliyane amal iro Aja pisan siro sangu Mati nggawa amal ala Balk siro sesanguha Amal becik kang sak nyata Rupane amal becik Nggonmu pada gelem taat Rupane amal ala Nggonmu padha laku maksiat
-
Geguritan Bab Eling Pati
Eling Pati Eling-eling sira manungsa Kabeh iku bakal mati Pumpung durung sira iku Katekanan maring pati Rasane pecat nyawa Luwih banget lara niro Katimbang kabeseti Sakabehe kulit iro Ora no penawar Sakliyane taat iro Aja pisan siro lali Maring shalat fardhu iro Rasane wong ana kubur Luwih lara luwih susah Nek wis tangi panelangsane Luwih banget karo nggresah Ngadeg iro ana kubur Ana patang puluh warsi Tanpa mangan tanpa ngombe Ora ono kang melasi
Anda Mungkin Suka Juga
Geguritan Jawa Apike Titah Lan Alane
Geguritan Bab Ngarep Mulyane Anak
Geguritan Bab Pitakonan Kubur
-
Geguritan Bab Bejo Ciloko Kubur
Bejo Ciloko Kubur Nggonmu mati lamun bejo Ana kubur luwih mulyo Katimbang urip iro Arikolo ana donya Kubur iku lamun bejo Dadi taman ing suwargo Kubur iro lamun ciloko Dadi taman saka neraka Lamun bejo siro iku Tangi soko kubur iro Banjur nunggang ing tunggangan Hinggo mlebu ing suwargo Nek ciloko siro iku Tangi seko kubur iro Gelandang siro ing neroko Aja siro ngarep-arep Ing mulyane awak iro Lamun ora gelem taat Urip iro ana donya Lamun siro ana donya Ora tobat soko maksiat Malaikat banjur nggodo Balung iro nganti mlesat Nenuwuna siro iku Wayah awan wayah bengi Mugi-mugi Gusti Allah Maring welas maring mami
Anda Mungkin Suka Juga
Geguritan Bab Bungah Ana Donya
Geguritan Bab Golek Slamet
Geguritan Bab Pitakonan Kubur
-
Geguritan Bab Golek Pangan
Golek Pangan Padha siro lumaku-ha Kanggo sebab golek pangan Supayane urip iro Ana donya bisa aman Aja pisan siro iku Ngarep-arep pawewehan Supayane urip iro Sisa kajen kinasihan Dha niyato siro iku Nggone padha golek pangan Supayane siro iku Nggone golek oleh ganjaran Sakwuse padha oleh Nuli enggal dha dipangan Sakwuse padha mangan Nuli eling ing Pangeran Nek wis rampung nggone mangan Nuli siro enggal tandang Nggone matur sembah nuwun Sewu-ewu ing Pangeran Dhuhur Ashar Maghrib Isya Subuh iku jo kerinan
Anda Mungkin Suka Juga
Geguritan Bab Ngarep Mulyane Anak
Geguritan Bab Eling Pati
Geguritan Bab Bungah Ana Donya
-
Geguritan Bab Nyusahi Landerat
Nyusahi Landerat Ojo susah kurang sandang Kurang pangan saben dino Nyusahno siro iku Ing landrate awak iro Nggone tunggu landrat iku Ono oro-oro mahsyar Lawase nggone tunggu Seket ewu tahun ndonya Lumrahe para manungsa ada sambat ngaru ara Pating jlerit pating glembor Sebab payah awak iro Nek wis landrat terus nguwot Luwih lunyu luwih angel Teung ewu munggah mudun Patang ewu rada angel Lumrahe para manungsa Pada nggegel pating gerigil Sebabe gek uripe Jak ngibadah angot angel
Anda Mungkin Suka Juga
Geguritan Bab Eling Pati
Geguritan Bab Kineban Lawang Tobat
Geguritan Jawa Dawuhe Kanjeng Nabi
